Shey you don hear? Big Baba President Muhamamdu Buhari don follow enta train for Lagos.
Haba! Cool ya mind, no be say he enta train like common man o. Na the first phase of de Blue Rail Line wey Governor Babajide Sanwo-Olu gofment build Baba Buhari come inaugurate o.
Na so Baba come join Sanwo-Olu, him deputy, Obafemi Hamzat, gofment people dem for federal and Lagos, federal and Lagos lawmakers dem, Oga kpatakpata for China Civil Engineering Construction Company (CCECC), Chen Sichang and journalists enta train from de Marina Station to National Theatre Station.
The Blue Line phase 1 wey Lagos gofment build reach 13 kilometers. E get five stations – Mile 2, Suru-Alaba, Orile Iganmu, National Theatre and Marina.
